Í Svínafelli er boðið upp á svefnpokagistingu í 6 upphituðum smáhýsum. Í þeim eru kojur (90 cm) fyrir 4 í hverju húsi, vaskur og kalt rennandi vatn, hraðsuðukanna og einnig borðbúnaður fyrir fjóra. Gestir í smáhýsum hafa aðgang að Skála, þjónustuhúsi við hlið smáhýsanna. Þar er lágmarks aðstaða til matargerðar, þ.e. rafmagnshellur, kæliskápur og uppvottaaðstaða með heitu vatni. Borð og stólar eru í salnum fyrir 80 manns.

Í þjónustuhúsinu eru einnig sturtur og salerni og þessi aðstaða er samnýtt með gestum sem gista á tjaldstæðinu í tjöldum eða bílum / ferðavögnum.

Í Skála er lítil íbúð með svefnpokaplássum í kojum (120 / 80 cm) í 3 x 2 manna herbergjum.

Í Austurbæ eru svefnpokapláss fyrir 16 manns í misstórum herbergjum, 1, 2 og 3 manna. Það eru 2 baðherbergi/sturtur í húsinu og eldhús.

Smáhýsin og þjónustuhúsið Skáli eru opin á tímabilinu 1/5 til 30/9. Önnur gisting er opin allt árið nema stöku sinnum vegan fría. Yfir vetrartímann færist afgreiðslan í Suðurbæ.

Verð sumar 2024 (1/5 – 30/9)
Svefnpokapláss í 4ra manna smáhýsi – 5.500 kr pr. mann / 22.000 kr. pr. hús + gistináttaskattur
Svefnpokapláss í herbergi – 6.000 kr. pr. mann + gistináttaskattur